من اكثر الجمل اللي بكرهها في الدنيا هي جملة "اصله من بره"، عادة ما تستخدم لوصف شئ بالجودة او لتبرير امتلاكه لقدرات خياليه. اصلا وصفه "انه من بره" لا يعني شئ غير انه من مكان اخر...فضمنيا تعني ان اي مكان اخر افضل من مصر. المشكلة انها يتم استخدمها بطريقه فضفاضه جدا.
الواد حماده صحبي جاب جهاز كده تحط فيه الميه تطلعلك بيبسي، اصله من بره
في كريم جي من بره كده تحطه يخليك تطول-تقصر-تبيض-تسمر-تختفي
ده علي اساس ان بره ده مكان سحري يصنع فيه اشياء خيالي لا تخضع للقوانين الطبيعه، فبره هو مصدر كل غريب و سحري، مصدر كل ما هو افضل. الأجمد بقه بيحصل عند مزج "بره" بـ "بيقلك" و بعض الخيالي المصري، فعندها تظهر الجمل الذي لا يمكن ان تسمعها إلي في مصر عن اراء مصدرها بره بس محدش سمع عنها غير في مصر.
بيقلك في موقع كده بره تدخل فيه اسمك يطلع صورتك كده.
بيقلك بره الواحد من دول فين و فيييين اما يخدلك اجازه.
اي كلام في اي حته و مصدر مصداقيته الوحيده انه جاي من بره، و بما ان بره احسن مننا يبقي اكيد ممكن...
No comments:
Post a Comment